وہی صبح کوئے ملال ہے وہی شام شہر خراب ہے 🥀

میں وہ سب کچھ لکھ دوں کیا ؟؟

جو ایک مدت سے ،

میرے دل کے اداس گوشوں میں ۔۔۔

ہوا کے ساتھ ، 

صبح و شام ۔۔

سرائیت کرتا رہتا ہے۔۔۔۔

جو مجھے کبھی بے انتہا صبر کی،۔۔۔

تلقین کرتا ہے۔۔

اور کبھی بےپناہ جنون کا ۔۔

ہیجان دیتا ہے۔۔

مگر ، یہ سب کچھ رقم کر دینے میں ۔۔۔

ایک ذرا سی قباحت ۔۔

یوں بھی لاحق ہے۔۔

کہ پھر 'کسی 'کا ذکر بھی آئے گا ۔۔۔

کہ جس نے یہ وعدہ لیا تھا کبھی مجھ سے۔۔۔

کہ یہ جو تم شاعری میں ۔۔۔

اپنے دل کے احوال درج کرتی ہو نہ۔۔۔

تو کبھی ایسا نہ ہو جائے ۔۔

کہ تمہاری کسی نظم کو پڑھ کر۔۔۔

یہ دنیا اس میں ڈھونڈ لے مجھ کو ۔۔۔

کہ مجھے یہ اچھا نہیں لگتا ۔۔

کہ میں اس انداز سے ۔۔۔

کسی کو سمجھ آؤں ۔۔۔

تو  بس تم یہ وعدہ کرو مجھ سے۔۔

کہ کبھی کچھ ، ایسا نہیں لکھو گی کہ۔۔۔

جسے پڑھ کر کوئی اس میں ۔۔

پہچان لے مجھ کو ۔۔۔

اور میں نے بھی ۔۔

بہت خاموشی سے سر جھکا کر۔۔

اسے یہ وعدہ دیا تھا کہ۔۔

میری کسی نظم و غزل میں ۔۔۔

میں اسے  ظاہر ہونے نہیں دونگی ۔۔۔

مگر کب تک۔۔۔؟

اب تو یہ گھٹن ۔۔

مجھے آہستہ ،آہستہ ۔۔

ختم کئے دے رہی ہے۔۔۔

تو بس آج ایک بار ۔۔

میں وہ وعدہ ذرا سا توڑے دیتی ہوں ۔۔۔

اور اپنی اس نظم میں ۔۔

اسکا ایک مبہم سا عکس ، چھوڑے دیتی ہوں ۔۔۔

کہ ہاں وہ میری روح و جاں کی ضرورت ۔۔۔

کل بھی تھا ، آج بھی ہے، اور تاابد رہیگا ۔۔۔

کہ اس سے عشق مجھ کو۔۔۔

بےحد تھا ، بےحد ہے، اور  بےحد رہیگا ۔۔۔۔